طريقة عمل البفاريا

مساهماتـﮯ : 559 نقاطﮯ: : 291140 إنتسآبـﮯ: : 08/06/2010

مرحبا بكم جميعاً في مطبخي الخاص

... بصراحة بالأمس الخميس عملت كيك ( بسكويت ) البفاريا بإيدي وحبيت إني أصور الطريقة من البداية للنهاية لإلكم وإن شاء الله بتعجبكم .. كتير طيبة مع الشاي أو القهوة .. وهلأ نبدأ على بركة الله

المقادير
7
7
7

* زبدة 4 ملاعق ( كبيرة)

* بسكويت مربع ( حسب اللزوم) أنا كفى معي حوالي بكيتين كبار.

* بيضتان.

* فانيلا ملعقتين ( كبيرة)

* طحين 8 ملاعق ( كبيرة)

* سكر 15ملعقة ( كبيرة ) وإذا بدكم تحلوه أكتر زودوا سكر لأني بصراحة أنا ضفت كمان عليه ( السكر حلاته حسب رغبتكم )

* حليب ناشف 8 ملاعق ( كبيرة)

* ماء 4 كاسات ( بحجم كاسات العصير ) وظاهرة حجمها بالصورة

* كاكاو ناشف ملعقة ( كبيرة)

* جوز الهند ( للتزيين )

الطريقة

1- وضعت البسكويت بالصينية وبشكل مرتب متل الصورة اللي واضحة عندكم هون

بعدين للمقادير هلأ شو نعمل؟؟ يلا نشوف

أول شي خفقت البيض والفانيلا مع بعض

بعدين قمت بوضع الزبدة على النار حتى أصبحت زيت سائل ووضعتها على السكر وقمت بتحريكهم مع بعض حتى ذاب السكر بزيت الزبدة ( لذلك يفضل السكر يكون ناعم حتى ما تتعبوا متلى)

* ثم وضعت مقدار الطحين والحليب الناشف كلهم على السكر والزبدة وحركتهم مع بعض ... ثم وضعت البيض والفانيلا على المقادير أيضاً وحركتهم كله مع بعضه..

وهلأ راح تلاحظوا المقادير تُصبح متماسكة مع بعضها ...

* بعد هيك نضع الماء على النار .. وعندما يصبح دافئ .. بنضيف عليه كل المقادير وبدون إستثناء ماااااعدا الكاكاو الناشف ( لأنه بالأول بدنا نعمل طبقة من الحليب فقط)

هلأ بتحركي بالمقادير على النار وبشكل مستمر دون إنقطاع .. حتى تتماسك المقادير ..

نقوم بوضع نصف المقادير على طبقة البسكويت اللي بالصينية ونوزعها على كل البسكويت بشكل متساوي..

ثم نضع على الخلطة هاي كمان طبقة بسكويت متل الظاهر بالصورة ..

بعد هيك نقوم بوضع مقدار الكاكاو الناشف على النصف الباقي من المقادير ونحركه قليلا على النار مع بعض الماء والسكر .... ثم نضيفه على طبقة البسكويت العليا متل ما هو واضح بالصورة

ملاحظة/ في ناس يضعوا كمان طبقة بسكويت ثالثة وفي ما بيضعوا وأنا موضحة هالشي بصالورة حتى تشوفوا كيف الطريقة (( سهلة جدااااااااااا)))

بعد هيك وضعت صينية البفاريا بالفريزر ( الطابق الأعلى من الثلاجة ) لحوالي ساعتين ما تحطوه تحت بيطول ... . يعني حسب ما يتجمد وتتماسك المقادير بعضها بالصينية

7
7
7

هلأ بعد الساعتين طلعتها من الفريز وقطعتها وكانت متماسكة جدا .. واضحة بالصورة

اذا بتلاحظوا طبقة بسكويت .. ثم العجينة ( الخلطة ) طبقة بالحليب ... ثم طبقة بسكويت ... ثم المقادير بالكاكاو .. واذا بدكم بتضيفوا طبقة رابعة بسكويت ... يعني حسب رغبتكم

***************

وهون حطيت كم وحدة حتى تشوفوا إنها كتيييييييييير طيبة وبايدي عملتها لإلكم بس نسيت أحط بجنبها القهوة والشاي

وصحتيييييين وعافية على قلوبكم جميعاً

طريقة سهلة وحلوة ويارب يعجبكم طعمها.. تعبت لحتى عملتها بس اللي ما تزبطها ياويلها لأنها مو محتاجة تعب

يعطيكي الف عافية

يمي يمي شكلها لزيزة لسا هلأ عم آكل بفاريا انا
ههههه

يسلمو عالطريقة الحلوة متلك

حلوة كتير

يلا اعمليها يا ندي الصباح

خلينا نشوف طعم ايديك

مساهماتـﮯ : 559 نقاطﮯ: : 291140 إنتسآبـﮯ: : 08/06/2010

يسلمووووو عالمرور
يا عسولين

بجد شي روووعة

» طريقة البيتزا هوت
» طريقة عمل البيتزا
» طريقة عمل الكيك بالصور
» تعرفى على ما بداخل زوجك من طريقة نومة .........
» طريقة كتابة الموضوعات وتنسيقها (( شرح مفصل